Улаанбаатар хотын хувьд шилжилт хөдөлгөөн хамгийн анхаарал татсан асуудал бөгөөд шилжин ирэгсдийн 37 хувь нь ядуу байгаагийн дээр тэдгээр хүмүүсийн 72.7 хувь нь хотын захад зөвшөөрөлгүйгээр оршин суудаг нь хотын хөгжлийг хойш татдаг тухай Мянганы хөгжлийн зорилт илтгэлд дурджээ
. НИТХ-ын ажлын алба, нийслэлийн Засаг даргын тамгын газар, Захирагчийн ажлын алба, НҮБ-ын Хөгжлийн хөтөлбөртэй хамтран “Мянганы хөгжлийн зорилт”-ыг анх удаагаа боловсруулж өчигдөр сэтгүүлчдэд мэдээлсэн юм. Мянганы хөгжлийн зорилтыг тодорхойлсноор нийслэлийн хөгжлийн хэтийн төлөвийг тоймлож, нутгийн захиргаанаас баримтлах бодлого, зорилтыг томъёолох боломжийг бүрдүүлж байгаа ажээ. Тулгамдаж байгаа асуудлуудыг шийдвэрлэхэд нэн тэргүүнд хүн амыг нийгмийн суурь үйлчилгээнүүдэд бүрэн хамруулах, үйлчилгээний чанарыг сайжруулах, амьдрах орчин нөхцөлийг нь дээшлүүлэхэд төрөөс бүх талын арга хэмжээ авах, хүн амын ядуурлыг бууруулах, нийгмийн зорилтот бүлгүүдэд чиглэсэн хөтөлбөрүүдийн хэрэгжилтийг эрс чанаржуулах шаардлагатай байгаа талаар тус илтгэлд дурджээ.
Subscribe to:
Post Comments (Atom)
No comments:
Post a Comment