гансүх: ХОТ ХООРОНДЫН НИЙТИЙН ТЭЭВЭРТ ХЯЗГААРЛАЛТ ХИЙСНЭЭС БОЛЖ ТАКСИНУУД ДУРТАЙ ҮНЭЭ ХЭЛЖ ЭХЭЛЛЭЭ

ХОТ ХООРОНДЫН НИЙТИЙН ТЭЭВЭРТ ХЯЗГААРЛАЛТ ХИЙСНЭЭС БОЛЖ ТАКСИНУУД ДУРТАЙ ҮНЭЭ ХЭЛЖ ЭХЭЛЛЭЭ.
Онц байдал зарласантай холбогдуулан хот хоорондын нийтийн тээврийн үйлчилгээг тодорхойгүй хугацаагаар зогсоосон нь олз ашиг харсан заримд нь бөөн завшаан болжээ.
Тээврийн товчоодоор дуртай үнээ хэлсэн таксинууд яарайж, хөл дүүжлэх унаагүй болсон иргэдийн хэтэвчин дэх хэдийг цөөлж байна. Үнэ хөлсөө тохирч чадаагүй тохиолдолд иргэд тохиролцох унаа олох хүртлээ 2-3 цагаар даарч бээрэн зогсоход хүрчээ.
Хорио тогтоохоос өмнө Хөвсгөл рүү 30 мянгаар явдаг байсан бол одоо 50-60 мянга, Архангай руу 30-40 мянга гэж дуугарч байгаа гэнэ. Хамгийн хямд зардалтай гэж нэрлэгддэг Төв аймаг руу ухасхийгээд ирэхэд хүртэл нэг талдаа 3000-3500 төгрөг. Оройхондоо бол бүр 5000 мянгаас нааш хөдлөхөөргүй болсон гэнэ. Нэг ёсондоо ханиад далимдуулж хөдөө орон нутгийн унаа хөлс өртөгөө 2-3 дахин нэмсэн гэсэн үг. Гахайн ханиад гарлаа гээд амьдрал зогсчихгүйгээс хойш иргэд таксиныхны хэлсэн үнээр явж ажил албаа амжуулахаас өөр аргагүй болоод байгаа юм. Түр хугацаанд үүссэн энэ нөхцөлд байдалд албаныхан ч хяналт тавьж зохицуулалт хийж чадахгүй гэдгээ нуулгүй хэлсэн.

Бэлтгэсэн сэтгүүлч З.Юмдүнчин

Буцах

Холбоотой бусад мэдээ:

- ХОТ ХООРОНДЫН НИЙТИЙН ТЭЭВЭРТ ХЯЗГААРЛАЛТ ХИЙСНЭЭС БОЛЖ ТАКСИНУУД ДУРТАЙ ҮНЭЭ ХЭЛЖ ЭХЭЛЛЭЭ. /2009-11-13 20:40:50/

- НИЙТИЙН ТЭЭВРИЙН ҮЙЛЧИЛГЭЭГ САЙЖРУУЛНА. /2009-11-09 21:10:31/

- ШАЛГАЛТ ЦАХИЛГААН ТЭЭВЭР КОМПАНИАС ЭХЭЛЛЭЭ /2009-10-15 20:54:14/

- ЖИВСЭН ТАКСИ (CCTV) /2009-08-07 17:44:50/

- 12-ООС ДЭЭШ ЖИЛ ҮЙЛЧИЛГЭЭНД ЯВСАН БОЛ ТЭЭВРИЙН ҮЙЛЧИЛГЭЭ ХИЙЛГЭХГҮЙ. /2009-04-08 21:10:56/

- ЦАХИЛГААН ТЭЭВЭР КОМПАНИЙН АЖИЛЧИД ТЭМЦЭЖ ЭХЭЛЛЭЭ. /2009-04-07 19:13:47/

- НИЙТИЙН ТЭЭВРИЙН ҮНЭ НЭМЭГДЭХ ҮҮ. /2009-03-30 20:17:46/

- НИЙСЛЭЛИЙН ИРГЭД ӨНӨӨДРӨӨС ЭХЛЭН ШИНЭ АВТОБУСААР ЗОРЧИНО. /2009-02-22 19:02:27/

- ОЮУТНЫ БИЛЕТ /2009-02-19 20:59:39/